Категорија: Шпанија 15.12.2019 23:08
Нема промени на врвот на табелата во Ла Лига откако во последниот натпревар од 17. коло, Валенсија и Реал Мадрид одиграа 1-1.
Дербито на Местаља донесе драматична завршница. Домаќините поведоа со голот на Солер во 78. минута, но „кралевите“ изедначија во 95. минута.
Во последниот напад на мечот, дури и Тибо Куртоа истрча во противничкиот шеснаесетник и ваквиот потег се покажа како клучен. Белгиецот скокна највиско и биеше со глава, неговиот удар беше одбранет, но настана мешаница и Бензема ја смести топката во мрежата за реми.