Категорија: Шпанија 12.01.2020 23:55
„Каталонците“ се во потрага на нов тренер откако Чави ја одби понудата уште сега да седне на жешкото столче на Камп Ноу. Низ медиумите кружат голем број на гласини и кандидати за наследник на Ернесто Валверде, а според пишувањата на РАЦ1, ново име на листата со желби е Маурисио Покетино.
Аргентинецот е предлог на претседателот Жозеп Мариа Бартомеу, а за негов ангажман зелено светло дале и директорите на клубот како и играчите, или поточно „тешкашите“ во соблекувалната.
Маурисио Покетино е без обврски по отказот од Тотнем но има еден проблем. Тој во минатото има изјавено дека нема шанси да седне на кормилото на Барселона поради тоа што беше играч и тренер на лутиот градски ривал Еспањол.
Останува да се види како ќе се одвива потрагата по нов тренер и дали аурата на Барса и можноста да се работи со еден од најдобрите играчи на сите времиња, Лео Меси ќе го натера Маурисио Покетино да го погази зборот.