Кике Сетиен е изборот на Барселона за наследник на Ернесто Валверде, Жозеп Бартомеу и неговите соработници имаа неколку имиња на листата со желби и на крајот изборот падна на поранешниот тренер на Бетис.

Тој доби договор до 2022 година, но според пишувањата на медиумите од Шпанија, „каталонците“ се штитат со две клаузули.

РАЦ 1 пренесува дека договорот всушност е на шест месеци + една година со опција за додатни 12 месеци. Соработката вака е структурина за Барселона да може да се раздели со стратегот веќе по крајот на сезоната доколку тој не се покаже во следните месеци.

Опцијата за додатни 12 месеци пак е поврзана со претседателските избори во 2021, победникот ќе треба да одлучи дали ќе го задржи Кике Сетиен или пак со себе ќе донесе нов тренер.