Категорија: Шпанија 16.01.2020 11:28
Откако одлучи да се раздели со Валверде, Барселона тренерското место му го понуди на Чави, но тој одби. Тој останува да биде тренер на Ал Сад во Катар.
„Да, добив понуда од Барселона, Ерик Абидал и Оскар Грау ми ја презентираа тука во Доха. Не ја прифатив, мислам дека е прерано да бидам тренер на Барса, но тоа останува мојот сон, сакам во иднина да бидам тренер на мојот поранешен клуб“, изјави Чави.
„Кога ја добив понудата прво им соопштив на мојата фамилија и после на фудбалерите на Ал Сад. Тие беа информирани за се, за време на тие три дена не бев во мојата најдобра позиција, но сега комплетно сум фокусиран на Ал Сад“.
„Ми се допаѓа новиот тренер на Барселона, го сакам неговиот начин на работа и се надевам дека ќе биде успешен“.