Категорија: Англија 17.01.2020 14:58
Агентот на Кристијан Ериксен синоќа беше во Милано на разговори со раководството на Интер и беше уловен на вечера со генералниот директор Бепе Марота. Ваквиот развој на настаните само придонесе гласините за трансфер на Данецот на Џузепе Меаца да станат погласни.
Жозе Мурињо денеска беше запрашан до каде е работата, тренерот на Тотнем вели дека не му е јасно од каде е тој оптимизам на луѓето од Интер со оглед на тоа дека се уште немаат испратено понуда.
„Треба да ги прашате луѓето од Интер и неговиот агент, знаат повеќе од мене. Доколку тие се убедени, веројатно е така бидејќи се подготвени да испратат понуда, но до овој момент нема ништо. Ме чуди тој оптимизам, не знам од каде доаѓа. Веќе неколку натпревари се пишува „ова е негов последен“ но тој продолжува да игра и ќе игра и против Ватфорд“ – вели „специјалниот“.