Категорија: Италија 19.01.2020 20:13
Џенова води тешка битка за опстанок и се чини дека така ќе биде до самиот крај, денеска запишаа уште еден пораз, овој пат од Рома.
Волчицата поведе со гол на Ундес во шестата минута, а Бираски во 44. си постигна автогол за водство на Рома од 2-0.
Во следниот напад Горан Пандев постигна убав гол за намалување на 2-1, тоа беше петтиот погодок во Серија А на нашиот капитен.
Во вториот дел Џенова напаѓаше кон израмнување, но по една грешка на голманот Перин, Џеко се најде во добра прилика и ги постави конечните 3-1.
Во судиското продолжение Пандев имаше уште една прекрасна шанса, но овој пат голманот на Рома беше поуспешен од него.