Категорија: Англија 19.01.2020 20:14
Пред почетокот на големото дерби на Енфилд, Оле Гунар Солшер истакна дека Маркус Рашфорд ќе треба да паузира неколку недели за да ја санира повредата на грбот. Но медиумите од Англија пренесоа дека ситуацијата е многу полоша.
За време на натпреварот помеѓу Ливерпул и Манчестер јунајтед, неколку весници објавија дека Маркус Рашфорд може да паузира и до три месеци.
„Рашфорд по дуелот со Вулверхемптон има двојна стрес фрактура на грбот. Се очекува да паузира од два до три месеци“ - напиша Хенри Винтер, главниот уредник за фудбал на Тајмс, кој често има точни информации.
По крајот на натпреварот, самиот Солшер излезе со различна прогноза од онаа дадена пред неколку часа и ги потврди црните прогнози.
„Да, Рашфорд има стрес фактура. Нормално за стрес фактура се потребни минимум шест недели мирување, а потоа следи и период за билдање на фитнесот“ - изјави Норвежанецот по поразот од 2-0.