24фудбал

Официјално: Реал Мадрид го комплетираше трансферот на Реиниер вреден 30 милиони евра

Големиот бразилски талент, Реиниер Жесус кој има само 18 години е нов играч на Реал Мадрид, кралскиот клуб плати 30 милиони евра за овој трансфер.

Шпанија

Реал Мадрид ја плати откупната клуазула која ја имаше Реиниер во договорот со Фламенго и го ангажираше бразилскиот талент.

Тој потпиша договор со Реал Мадрид до 2026 година, а од февруари прво ќе игра за Кастиља.

Кралевите за овој трансфер ќе платат 30 милиони евра, 80% од таа сума, односно 24 милиони евра се за Фламенго, а останатите ќе бидат поделени меѓу агентот и фамилијата на фудбалерот. Агентот ќе добие три милиони евра колку што и фамилијата на Реиниер.