Категорија: Италија 26.01.2020 23:02
„Наполитанците“ беа на прагот да испишат негативен рекорд и за прв пат во својата историја да забележат пет порази во низа во Серија А на домашен терен, но избраниците на Гатузо одговорија на предизвикот и го совладаа Јувентус со 2-1.
Зиелински го отвори резултатот во 63. минута, Полјакот се најде на право место во право време и ја смести топката во мрежата откако Шчесни го одбрани ударот на Инсиње.
Во 86. минута Инсиње биеше со волеј за 2-0 и голема радост на Сан Паоло. Во последните мигови, Кристијано Роналдо постигна почесен гол за „старата дама“ и ја продолжи голгетерската серија, ова е осми меч во низа на кој се запишува во листата на стрелците.