Категорија: Италија 28.01.2020 15:06
Кристијан Ериксен го официјализираше трансферот од Тотнем во Интер откако потпиша договор до 2024 година.
Ериксен синоќа пристигна во Милано и ги помина медицинските тестови. Тој шест и пол години играше за Тотнем, но не сакаше повеќе да продолжи во Лондон. Англискиот клуб мораше да го продаде во јануари за да заработи од неговиот трансфер.
„Прекрасно е што сум тука, среќен сум што сум нов фудбалер на Интер. Многу сум возбуден, не можам да дочекам да им се презентирам на фановите. Веќе ја почувствував нивната топлина. Беше фантастично добредојде, се чувствувам одлично“, изјави Ериксен.
Според италијанските медиуми, Интер на Тотнем за овој трансфер му плаќа 20 милиони евра, а Ериксен ќе добива плата од 8 милиони евра по сезона.