„Старата дама“ без многу проблеми ја доби пресметката со Бреша на домашен терен. Маурицио Сари реши да одмори неколку играчи, Кристијано Роналдо не беше во составот, а на клупата се најдоа Пјаниќ, Матуиди и Де Лихт. Даглас Коста и Федерико Бернардески се повредени, па Квадрадо доби шанса во нападот покрај Дибала и Игуаин.

И покрај големите промени во тимот, Јувентус рутински славеше со 2-0. Дибала во финишот на првиот дел прекрасно погоди од слободен удар, а во продолжението од мечот Квадрадо финишираше едно двојно додавање со Матуиди за 2-0. Победата можеше да биде уште повисока, домаќините неколку пати ја погодија рамката од голот

Позитивно е тоа што Кјелини се врати по шест месеци и влезе од клупата, но лоша вест е повредата на Пјаниќ, кој не издржа ниту десет минути по влегувањето во игра во второто полувреме.

На останатите натпревари од 15 часот, Фиорентина со убедливи 1-5 триумфираше на гостувањето кај Сампдорија, а Парма минимално славеше со 0-1 кај Сасуоло. На првиот денешен натпревар, Удинезе и Верона одиграа 0-0.