Категорија: Македонија 16.02.2020 23:28
Елиф Елмас денеска одново беше стартер за Наполи, мечот против Каљари го започна од првата минута, и то во нападот на местото на Инсиње. Македонецот остана на теренот и кога капитенот на Наполи влезе во второто полувреме, а за партијата која ја пружи доби добри оценки.
Не изостанаа и пофалбите од Џенаро Гатузо, кој вели дека Елиф Елмас може да направи големи работи во фудбалот доколку остане присебен и продолжи со напорната работа.
„Елмас има само 20 години, но располага со одлична физичка подготвеност и извонредна техника, Доколку остане на земја и продолжи со напорна работа, може да направи големи работи во фудбалот. Ги има сите потребни квалитети“ – вели тренерот на Наполи.
За одлуката Македонецот да добие шанса пред капитенот, Гатузо вели: „Инсиње имаше ситна повреда а Елмас може да понуди многу. Се работи за двајца различни играчи, но оној кој може да го даде максимумот игра. На теренот е тој што е подобар“.