Категорија: Шпанија 17.02.2020 12:49
Медицинската комисија при Ла Лига одговори позитивно на барањата на Барселона да ангажираат нов играч. Правилата дозволуваат клубовите да донесат засилување надвор од преодниот рок во случај на тешка повреда и овој критериум е исполнет со оглед на тоа дека Осман Дембеле ќе паузира шест месеци по операцијата во Финска.
Сега клубот од Камп Ноу има 15 дена да ја комплетира зделката и изборот е прилично ограничен, „каталонците“ можат да купат само играч кој настапува во Шпанија или е без договор.
Според пишувањата на медиумите, нов фаворит за наследник на Осман Дембеле е Мартин Брајтвајт од Леганес.
На листата со желби се уште неколку имиња како Анхел од Хетафе и Лукас Перез од Алавес.