Манчестер јунајтед по трет пат оваа сезона го совлада Челси, вечерва избраниците на Оле Гунар Солшер славеа со 0-2. Марсијал кон финишот на првиот дел погоди за водство од 0-1, а Мегвајер ја потврди победата на средината од вториот дел.

Челси има за што да жали откако ВАР им поништи два гола. Првиот особено беше сомнителен, Зума погоди за 1-1 на стартот од продолжението, но судијата на сугестија на ВАР собата досуди прекршок за старт на Аспиликета врз Вилијамс. Но од повторените снимки убаво се гледа дека Фред беше тој кој прв го турна капитено на Челси, кој потоа го турна противничкиот дефанзивец.

Во финишот од мечот ВАР спречи радост и на Жиру, Французинот мислеше дека ги врати „сините“ во игра кога со глава намали на 1-2, но со половина стапало беше во офсајд па оправдано беше досудена недозволена ситуација.

На дербито имаше уште еден спорен момент, во првото полувреме Мегваер го удри Батшуаји надвор од теренот, старт за кој многумина сметаат дека требаше да биде покажан црвен картон, но ВАР не се огласи.