Тензични моменти на клупата на Милан во победата од 1-0 над Торино. Во финишот на првиот дел Симон Кјаер се повреди, а Стефано Пиоли му нареди на Матео Мусакио да се подготви и да истрача на теренот.

Аргентинецот сепак одби да влезе, имаше дискусија со тренерот по која Стефано Пиоли остана лут и го повика младиот Габија. По крајот на натпреварот, стратегот ја смируваше ситуацијата и објасни што се случувало.

„Мусакио почувствувал болка во листот на ногата на загревањето, и затоа не можеше да влезе во игра. Нема никаков случај. Габија е играч на кој можеме да се наслониме, влезе на теренот со правилен пристап, работи напорно и ја заслужи оваа сатисфакција“ – вели Стефано Пиоли.