Категорија: Шпанија 23.02.2020 12:37
Реал Мадрид ќе биде без Азар против Манчестер Сити и Барселона, но и во следните натпревари.
Се работи за пукнатина во зглобот. Реал Мадрид излезе со првични детали, но очекуваат и уште информации.
„По направените тестови на нашиот фудбалер Еден Азар од медицинскиот тим на Реал Мадрид дијагностицирана е пукнатина во десната дистална фибула. Се чекаат нови информации“, стои во соопштението на кралскиот клуб.
Се уште не е соопштено колку точно ќе паузира, но се прогнозира дека најмалку два месеци ќе биде во аут, можеби и нема да се појави веќе на теренот оваа сезона.
Азар се повреди на синоќешниот меч против Леванте кој Реал Мадрид го загуби со 1-0.