УЕФА го казни Манчестер Сити со две сезони неиграње во Лигата на шампионите и глоба од 30 милиони евра поради непочитување на Финансискиот фер плеј

Сити заобиколување ги правата се стекна со повеќе пари за трошење отколку што реално требаше. Затоа клубот трошеше значително повеќе пари за засилувања од конкурентите со кои си озбеди поквалитетен и поширок ростер кој им носеше трофеи.

Поради стекнатата предност на нелегален начин во однос на другите, клубовите од Премиерлигата сметаат дека Манчестер Сити треба да се казни и на домашно тло, но сите се едногласни дека префрлање во понизок ранг би било преголема казна.

Истражувањата на УЕФА се однесуваат на периодот од 2012 до 2016 година. Иако нелегално стекнатите средства за трансфери имаат влијание и на подоцнежните сезони поради фактот што многу од купените играчи продолжуваат да играат во Сити, евентуалната казна во Англија можно е да се однесува само на тој период.

Сити беше шампион во 2012 и 2014, па постои варијанта овие титули да им бидат одземени. 

Но засега се се сведува на шпекулации и мислење каква санкција треба да добие Манчестер Сити во домашната лига, се уште нема ништо конкретно.