Категорија: Јужна Америка 13.03.2020 10:58
Додека натпревари во Eвропа се одложуваат поради коронавирусот, во Јужна Америка се игра фудбал пред полни трибини. Утрово на програмата беа дуелите од второто коло во Копа Либертадорес а дерби на денот беше пресметката помеѓу Гремио и Интернасионал.
Лутите ривали од Порто Алегре не понудија многу, голови немаше, шанси исто така, но затоа пред финишот од мечот настана масовна тепачка. Летаа боксови и клоци, играчите се бркаа по теренот, за на крајот судијата да покажа дури осум црвени картони.