Категорија: Лига на Шампиони 23.03.2020 19:35
Финалето од Лигата на шампионите требаше да се игра на 30 мај во Истанбул, а во Лига Европа три дена претходно.
Фудбалот во светот е стопиран, па само прашање на време беше кога УЕФА и официјално ќе се произнесе дека финалињата се одложуваат.
Тоа се случи вечерва, УЕФА пресече и соопшти дека ги одложува финалињата, а датум дополнително ќе биде одреден во зависност и од другите натпреварувања.
„Се уште нема датум за финалињата. Составена беше работна група минатата недела како резултат на конференцијата. Опциите ќе бидат анализирани и ќе почнеме да креираме календар. Дополнително ќе соопштиме кога ќе има конкретни одлуки“, стои во дел од соопштението на УЕФА.