На почетокот од кариерата Ројстон Дренте важеше за голем талент, од 2007 до 2012 година беше член на Реал Мадрид, од тие две години беше на позајмица (Херкулес и Евертон), а потоа кариерата му тргна во надолна линија. Сега на 32 години е фудбалер на холандски тим од втората лига, на почна и глумачка кариера.

Дренте глуми во втората сезона од серијата „Мокро Мафија“ во која се зборува за банди и дилери на кокаин во Амстердам.

„Времето дојде. По долго молчење конечно можам да соопштам дека ќе ме видите во серијата Морко Мафија! Возбуден сум што ќе учествувам во серијата и не можам да дочекам гледачите да ја видат мојата улога! Повеќе од возбуден сум да ви ја покажам другата страна на Ројстон, се надевам дека ќе уживате колку што уживав и јас. Па проверете“, напиша Дренте на својот инстаграм профил.