Категорија: Англија 31.03.2020 10:57
Во поголемиот дел од клубовите се намалуваат огромните плати на фудбалерите со цел да се обезбедат плати за обичните работници во клубот.
Но, така не е во Њукасл. Контроверзниот газда Мајк Ешли не им ги намали платите на фудбалерите и нема да ги плаќа работниците додека трае кризата со коронавирусот.
Директорот во клубот, Ли Чарнли им испратил мејл на работниците велејќи им дека клубот нема да ги плаќа и ги советувал да ја побараат помошта од државата за коронавирусот.
Велика Британија има мерка дека ќе им плати 80% од платата на работниците, максимум до 2.500 фунти.
Многу од навивачите и легендите на Њукасл се срамат од ваквиот потег на Мајк Ешли, тој е милијардер кој не сака да им даде плата на луѓето кои работат кај него.