Категорија: Останато 31.03.2020 12:07
Поранешниот чувар на мрежата на Фенербахче, Барселона и Бешикташ, изминатиов викенд беше хоспитализиран со симптоми на коронавирус и тестовите покажаа дека е позитивен на Ковид 19.
Според пишувањата на медиумите од Турција, здравствената состојба на Рушти Реџбер нагло се вложила и легендарниот голман се бори за својот живот.
Исто така, прстот веднаш беше вперен кон неговата сопруга Ишил Реџбер, која наводно го заразила. Таа неодамна се вратила од САД и не ги почитувала мерките за карантин, наместо да седи дома, била во посета на салон за убавина и со тоа го загрозила и здравјето на други луѓе.
Сепак, Ишил Реџбер ги демантираше ваквите обвинувања, изјави дека се вратила од САД пред три недели, и дека била во изолација, излегла само еднаш за да оди до болница, а исто така седела и во одвоена соба од Рушту Реџбер.
„Не ме интересира што пишуваа, најважно ми е сопругот да ми се врати дома здрав и жив. Во петокот, тој се пожали дека го болат мускулите и главата. Во саботата крена температура и почна да кашла. Се загрижив па веднаш го однесов во болница. Веднаш доби третман, но не сум го видела, нема пристап до спратот каде лежат пациентите. Не е дозволено ниту да се разговара преку телефон. Докторите ми рекоа дека првите 72 часа се многу критични“ – вели Ишил Реџбер, кој додава дека таа, нејзината ќерка и нејзиниот син биле тестирани и тестовите биле негативни.