Важниот натпревар за пласман на Европското првенство требаше да се игра на 26 март во Скопје, но поради коронавирусот беше одложен за 4 јуни.

УЕФА веќе има донесено одлука за одложување на бараж мечевите од Лигата на нации, а на денешниот состанок со членките ќе бидат одредени и новите датуми.

Се претпоставува дека мечот може да се одигра од 3 до 8 септември кога е првиот термин на УЕФА за репрезентативни натпревари во новата сезона. Вториот е во октомври.

Во текот на денот се очекува УЕФА да ги потврди новите датуми за мечевите од Лигата на нации, но и за продолжението на Лигата на шампионите и Лига Европа.