Италија е најпогодената земја од Коронавирусот, има преку 105.000 позитивни случаи и над 12.400 смртни случаи. Пауло Дибала, кој е позитивен на Ковид 19, за Фудбалската федерација на Аргентина откри каква е состојбата.

„Многу луѓе умираат секој ден, состојбата е многу лоша. Нема кој да ги лечи пациентите, затоа многу земји испратија доктори. Не е лага, сите мораат да внимаваат. Луѓето мора да останат дома“ – вели напаѓачот.

За неговата состојба, тој додава: „Кашлав многу, бев заморен, и кога спиев имав грозница. Во прв момент не помислив дека може да сум заразен, но бидејќи двајца соиграчи беа позитивни, ме тестираа. Клубот ни даде витамини и со тек на време се чувствував подобар. Во прв момент бев исплашен, но сега се е во ред“.