Минатата година, неколку лица беа уапсени во Шпанија за местени натпревари. Најпрво во фокусот беше пресметката помеѓу Уеска и Настик во втората лига а потоа истрагата се прошири и на мечот помеѓу Ваљадолид и Валенсија во последното коло во сезоната 2018/19.

„Уплаќај братe, Валенсија ќе победи и во прво и во второ“ – Шпанија се тресе, дуелот Ваљадолид-Валенсија е наместен!

Шпанските медиуми сега пишуваат дека под лупа е и мечот помеѓу Хетафе и Ваљадолид, полицијата го бара телефонот на капитенот на Хетафе, Хавиер Молина. Неговото име е споменато во разговори помеѓу поранешните фудбалери Карлос Аранда и Пако Естебан.

Аранда му се јавил на Естебан, побарал да стапи во контакт со Хорхе Молина и од прва рака да дознае дали е договорен исходот на дуелот, а за добра информација ветил по 10.000 евра на двајцата.

Естебан еден час подоцна го бара Аранда за да му пренесе добра информација, натпреварот е наместен, седум играчи на Виљареал добиле 2 милиони евра па „жолтата подморница“ ќе загуби, наводно ова му го потврдил лично Хорхе Молина.

Интересно, натпреварот помеѓу Хетафе и Виљареал заврши 2-2, домаќините водеа во два наврати, но гостите се враќаа. Голот за 2-2 падна во самиот финиш, односно во 87. минута.

Во последното коло од минатата сезона, Хетафе и Валенсија се бореа за место во Лигата на шампионите. Хетафе мораше да победи против Виљареал за да се надева на елитен фудбал, но исто така требаше да чека и услуга од Ваљадолид.

Тоа сепак не се случи, Валенсија лесно со 0-2 победи на гостувањето на „Хозе Зориља“ во меч во кој домаќините немаа за што да играат откако во претходното коло го обезбедија опстанокот.

Noticia @partidazocope

Operación OIKOS

@GetafeCF - @VillarrealCF de la última jornada de la temporada 18/19 citando al actual capitán del Getafe, Jorge Molina pic.twitter.com/8gN5nFHkXQón>

— El Partidazo de COPE (@partidazocope) May 15, 2020