Категорија: Германија 27.05.2020 22:37
Како што заврши пред паузата поради коронавирусот така и почна во продолжението. Шалке девет натпревари по ред не знае за победа во Бундеслигата, откако таа продолжи имаат три порази.
Денеска поведоа со гол на Мекени во 53. минута на гостувањето кај Фортуна Дизелдорф и во тие моменти се чинеше дека можат да ја прекинат негативната серија, но тоа не се случи.
Во 63. минута Хенингс изедначи на 1-1, а само пет минути подоцна Караман погоди за комплетен пресврт и водство на Фортуна од 2-1 што беше и конечен резултат.
Во останатите денешни натпревари од Бундеслигата домашна победа славеше и Хофенхајм кој со 3-1 го совлада Келн, Унион Берлин и Мајнц одиграа 1-1, немаше голови на дуелот меѓу Аугсбург и Падерборн. Претходно Лајпциг и Херта одиграа 2-2.