Лајпциг е дециден дека не сака ни да преговара за сума помала од 55 милиони евра колку што е откупната клаузула на Вернер. 

Поради кризата од коронавирусот Ливерпул ќе биде претпазлив на трансфер пазарот и нивниот став е дека нема да дадат за Вернер повеќе од 35 милиони евра.

Ако Вернер реши да остане во Лајпциг и следната сезона, тој ќе има уште две години од договорот, а според него наредниот летен преоден рок откупната клаузула ќе му падне на 40 милиони евра.

Но се верува дека тој ќе замине ова лето бидејќи Ливерпул не е единствениот кој се интересира за него. Се споменуваат Манчестер јунајтед, Челси, Барселона, Интер и Јувентус.

Вернер оваа година има дадено 30 голови во 39 мечеви во сите натпреварувања, има и 12 асистенции.