Серија А ќе се врати на програмата идниот месец, и тоа со дуелот помеѓу Аталанта и Сасуоло, кој е предвиден да се одигра во Бергамо на 19. јуни, известува „Скај Спорт Италија“.

Италијанскиот фудбалски шампионат продолжува без публика, што е сосема логично, меѓутоа, иако министерот за спорт на таа земја, Винченцо Спадафора го наведе 20. јуни како датум кога би се вратиле фудбалските возбудувања во Серија А, а една седмица претходно би бил комплетиран купот, сепак, „Скај Спорт Италија“ тврди дека тоа би се случило 24 часа пред наведениот датум.

Натпреварот кој се споменува е опишан како симболичен, и тоа поради две причини кои го прават симболичен, првата причина е поради фактот што Бергамо беше епицентарот на пандемијата со коронавирусот во Италија, а токму таму би се одиграл првиот меч во предвидениот рестарт на сезоната.

Втората причина што ја наведува медиумиот е фактот што  Сасуоло е последната екипа заедно со Бреша која одигра меч во Серија А пред фудбалот да биде суспендиран поради коронавирусот.

Како за потсетување, на последниот меч во Серија А пред суспензијата, Сасуоло на домашен терен со 3-0 го совлада тимот на Бреша, а напаѓачот Франческо Капуто еден од неговите два гола го прослави со порака кон навивачите на која беше испишано: Се’ ќе биде во ред, останете дома.