Категорија: Италија 03.06.2020 09:15
Кога ЦР7 потпиша за „старата дама“ во 2018, сите беа зачудени од физичката кондиција во која се наоѓа Кристијано Роналдо.
Тестовите направени тогаш покажаа дка тој има само 7% телесни масти, а вообичано оваа бројка кај играчите се движи помеѓу 10 и 11%. Португалецот исто така има мускулна маса од 50% која вообичано не надминува 46% кај останатите фудбалери. Ова му овозможува да скокне и до еден метар, па затоа Кристијано Роналдо е толку доминантен во воздушните дуели со противниците, а ги изведе и спектакуларните ножички токму против Јувентус. Во кратки црти, тој има тело на 23 годишен фудбалер.
Tој сега има 35 години и се уште е во топ форма, но тоа не е случајно. Иако има освоено се што може да се освои, нема опуштање и продолжува да биде пример од професионалец.
Кориере дело Спорт пишува дека синоќешниот тренинг на Јувентус бил закажан во 17 часот, но и покрај тоа, Кристијано Роналдо се појавил во тренинг центартот во Континаса во 12:52.
„Португалскиот напаѓач внимателно се грижи за својата физичка кондиција, обрнува внимание и најситните детали. Покрај тренингот со соиграчите, тој одработи и персонализирана индивидуална сесија. Роналдо се појави во Континаса во 12:52 часот, прво работеше сам, а потоа со тимот“ - пишува КДС.