Категорија: Италија 03.06.2020 12:17
АНСА, Калчомеркато и Тутоспорт информираат дека Марио Балотели утринава пропуштил нов тренинг без дозвола од клубот.
29-годишниот Балотели и минатата недела пропушти тренинг по што го испровоцира сопственикот на клубот, Масимо Селино да зборува како жали што воопшто го ангажирале напаѓачот.
Тој има уште два години од актуелниот договор, но се очекува соработката меѓу двете страни да заврши наскоро.
Балотели бара обесштетување ако му биде раскинат договорот, па италијанските медиуми очекуваат судска разврска.
Бреша собира материјал да може да му го раскине договорот без отштета, а како алиби за тоа веќе има два неоправдани изостаноци на фудбалерот од тренинг.
Денеска од 18 часот Балотели треба да има индивидуален тренинг, но нејасно е дали ќе се појави и на него.