Категорија: Англија 03.06.2020 19:11
Од Тотнем потврдија дека имаат еден позитивен случај на коронавирус по најновата рунда тестирања во Премиерлигата, која е предвидено да продолжи со актуелната сезона на 17. јуни.
Според предвидениот протокол, неименуваната особа која е позитивна на тестирањето сега и претстои самоизолација во траење од седум денови.
„Поради протоколот кој мора да го почитуваме, името на индивидуата нема да го споменуваме“ стои во соопштението на клубот од Лондон.
Ова е единствениот позитивен случај на коронавирус во најновата рунда тестирање за Ковид-19 откако тестирани беа 1,197 фудбалски и нефудбалски персонал во Премиерлигата.
Предвидени се пет рунди тестирања за коронавирусот, а генералната бројка позитивни резултати од тестирањата сега изнесува 13 од вкупно 5,079 тестови досега.
Фудбалскиот и нефудбалски персонал во Премиерлигата се тестира два пати во една седмица.