24фудбал

Арсенал на шопинг во Торино, сака двајца фудбалери од Јувентус

Микел Артета почнува да го крои тимот на Арсенал за следната сезона која треба да биде негова прва од самиот почеток.

Англија

Информациите од Италија велат дека Арсенал се интересира за двајца фудбалери на Јувентус, Даниеле Ругани и Федерико Бернардески.

Се верува дека Даниеле Ругани ќе го напушти Јувентус ова лето и ќе замине во клуб каде би имал повеќе простор за игра. Интерес за него има од Премиерлигата, последен кој се приклучува во трката е Арсенал, а претходно Ругани се поврзуваше и со Волвс.

Јувентус го цени Ругани на околу 30 милиони евра, но не се исклучува можноста Арсенал да добие и попуст поради ситуацијата со коронавирусот и очекувањата дека цените на фудбалерите ќе паѓаат.

Место во Јувентус за следната сезона ќе нема ниту за Бернардески. И неговата иднина може да биде во Премиерлигата, но конкуренцијата за неговите услуги е поголема. Конкуренција на Арсенал за потписот на Федерико се и ривалите Челси и Манчестер јунајтед.

Сепак Челси и Јунајтед во моментов се насочени кон поатрактивни имиња на пазарот. Сините се пред потпис со Тимо Вернер, а Јунајтед силно се поврзува со Џејдон Санчо.

Доколку Арсенал покаже поголема одлучност во преодниот рок Бернардески е фудбалер кој лесно би можел да стане топчија.