Категорија: Германија 08.06.2020 15:07
Германската фудбалска федерација ги казни играчите на Борусија Дортмунд, Џејдон Санчо и Мануел Аканџи со по 10.000 евра бидејќи биле потстрижувани без да ги почитуваат мерките поради коронавирусот, односно не се користеле маски и заштитна опрема.
Санчо е во центарот на вниманието поради интересот на големите клубови за него, се поврзува со Манчестер јунајтед и Реал Мадрид, а цената му е преку 100 милиони евра.
Неговиот соиграч, Емре Џан вели дека Санчо е добро момче, но треба да созрее во своето однесување.
„Тој едноставно треба да биде подисциплиниран во некои работи, но и тој самиот го знае тоа. Треба да биде попаметен и да порасне. Не може да си дозволува вакви грешки во иднина“, вели Емре Џан.
„Тој е одлично момче дури и надвор од теренот. Сигурно не го направил тоа намерно за да предизвика скандал. Можеби премногу им верува на другите луѓе за некои работи“.