Категорија: Останато 29.06.2020 13:50
Легендата на „лалињата“ неодамна изјави дека можел да биде како Лео Меси и Кристијано Роналдо, но сакал да ужива во животот па затоа не ги достигнал височините на Аргентинецот и Португалецот.
Минатата недела беше објавена автобиографска книга во која Весли Снајдер раскажа како славата и парите по трансферот во Реал му удриле во глава, па во Мадрид живеел како рок ѕвезда, а вотката му станала најдобар пријател.
Холанѓанецот открива уште една епизода од лудиот ноќен живот, овој пат кога го носел дресот на Интер.
„Јас и мојата супруга еднаш се журкавме со Џорџ Клуни, Меган Фокс и некои други ѕвезди од Холивуд. Забавата ја организираше Армани, се прибравме дома во 6 часот наутро. Следниот ден јас постигнав гол и забележав асистенција против Вердер Бремен во Лигата на шампиони. Кога видов дека можам да се пијанчам и да играм добро, не ми беше страв да го повторам тоа!“ – раскажува Снајдер.
„Горд сум на работите кои ги постигнав како фудбалер. Имам дури 134 настапи во дресот на Холандија, а во исто време и си го проживеав животот. Чувствувам како да имам 76 години“.