Ѕвездата на Барса неколку натпревари бркаше убав јубилеј, вечерва конечно успеа да ја затресе мрежата на противникот и да го прослави погодокот број 700 во кариерата.

Лео Меси тоа го направи со стил, со паненка го матираше Јан Облак, кој важи за еден од најдобрите голмани на денешницата.

Со овој гол, Аргентинецот му се придружи на Кристијано Роналдо во одбраното друштво. Тие се единствените двајца активни фудбалери кои можат да се пофалат со 700 или повеќе погодоци.

Над 700 погодоци уште имаат постигнато Јозеф Бикан (805), Ромарио (772), Пеле (767), Пушкаш (746) и Герт Милер (735).