Категорија: Македонија 01.07.2020 10:50
Тренерот на Галатасарај, Фатих Терим неколку пати разговарал со Енис Барди, дури му го понудил и бројот десет, пишува турскиот портал „Фотоспор“.
Од друга страна Фенербахче го контактирал Барди преку нивниот албански фудбалер, репрезентативец на Косово, Ведат Мурики.
Интересот на турските гиганти е сериозен, но се верува дека Арсенал останува лидер во трката по потписот на нашиот фудбалер.
Леванте тешко дека ќе го задржи Барди, но ќе се обиде да изнуди колку што е можно повисока продажба. Тој во договорот со нив има откупна клаузула од 50 милиони евра, но се верува дека за 25 милиони ќе му дозволат да замине.