„Сините“ испуштија важни бодови во трката за топ четири пласман, синоќа загубија со 3-2 на локалното гостување кај Вест Хем. „Чеканите“ стигнаа до три бода во самиот финиш кога по една контра, Андриј Јармоленко го совлада Кепа.

Гери Невил, кој мечот го работеше како стручен коментатор за Скај Спортс, прстот го впери кон левиот бек Маркос Алонсо. Кога Челси ја изгуби топката, Шпанецот беше во близина на Андриј Јармоленко, но не тргна веднаш во одбрана и потоа беше доцна.

„Можете да видите дека Јармоленко е во близина на Алонсо. Погледнете, погледнете“ – вели Невил.

„Што правиш Маркос Алонсо? Што правиш? Погледнете само колку бавно се враќа назад. Го чинеше Челси пораз, заедно со катастрофалната рекција на Ридигер“.

„Маркос Алонсо е на исто ниво со Андриј Јармоленко кога контрата почнува, и воопшто не се замара да се врати назад. Кажав и претходно, затоа е под притисок и клубот сака да го продаде“.

„Френк Лампард ќе забележи ова што јас го говорам. Кога вашиот тим ќе ја загуби топката, се враќата назад најбрзо што можете, тоа се учи на 6 години“.