Категорија: Македонија 02.07.2020 23:45
Удинезе направи изненадување на „Олимпико“ и стигна до три бода со кои полесно се дише, „црно-белите“ сега се на +6 во однос на зоната за испаѓање.
Гостите одлично го отворија мечот и поведоа во 12. минута, катастрофалниот шут на Де Паул се претвори во идеална асистенција за Лазања, кој од работ на петерецот закачи волеј за 0-1.
По половина час игра, Рома остана со играч помалку, Пероти заработи црвен картон, па домаќините имаа значително отежната работа во продолжението од мечот.
Дилемите околу победникот беа решени во 78. минута, Илија Несторовски ја дотепа „волчицата“. Десетина минути по влегувањето во игра, Македонецот доби идеална топка од Де Паул и рутински ја затресе мрежата за 0-2.