Категорија: Италија 03.07.2020 09:10
Удинезе синоќа со 2-0 победи на гостувањето кај Рома и прокнижи три големи бода во борбата за опстанок. Нашиот Илија Несторовски беше стрелец на вториот погодок.
Тој голот и победата му ги посветува на неговиот соиграч, Роландо Мандрагора кој пред десетина дена заработи тешка повреда поради која долго ќе биде надвор од теренот.
„Оваа победа и овој гол му ги посветувам на Роландо, знаеме дека тој минува низ лоша повреда, но синоќа дојде со нас и беше на стадионот да навива. Оваа победа е за него и се надевам дека ќе се врати колку што е можно побрзо затоа што ни недостасува“, вели Несторовски.
„Заслуживме да победиме на овој натпревар, но одигравме добро и на првите два натпревари. Денеска постигнавме одличен резултат и среќни сме поради тоа“.
Во следното коло Удинезе ја пречекува Џенова, тоа ќе биде дуел меѓу Илија Несторовски и Горан Пандев.