Категорија: Италија 04.07.2020 21:51
Јувентус попладнево со 4-1 го доби градското дерби со Торино, а Кристијано Роналдо постигна прекрасен гол од слободен удар. ЦР7 конечно го скрши малерот, му беа потребни 43 натпревари за да погоди од прекин во дресот на „старата дама“, а по крајот на натпреварот и самиот призна дека му паднал камен од срцето.
„Ми требаше ова, за да ми се зголеми самодовербата“ – истакна Португалецот по последниот свиреж.
Голот од слободен удар во сенка стави едно друго големо постигнување. За Кристијано Роналдо ова беше погодокот број 25 оваа сезона во Серија А и за да го најдеме последниот играч на Јувентус кој успеал да стигне до ваква бројка, треба да се вратиме 60 години во минатото.
Се работи за Омар Сивори, кој во сезоната 1960/61 постигнал 25 погодока.
Кристијано Роналдо исто така е само седмиот фудбалер во историјата на Јувентус кој успеал да постигне барем 25 погодка во една сезона во најсилното првенство на Италија.
@Cristiano is the first player since the legendary Omar Sivori (1960/61) to reach 25 @SerieA goals, and only the sixth-ever in our history! #JuveToro #CR7JUVE pic.twitter.com/jxqaLGKs7v
— JuventusFC (@juventusfcen) July 4, 2020