Лацио влезе како фаворит во дуелот со Милан кој во минатото коло едвај се спаси од пораз против СПАЛ, но вечерва како да беше некој друг тим на теренот.

Милан дојде во водство во 23. минута со гол на Чалханоглу, а десетина минути подоцна Ибрахимовиќ од пенал го зголеми водството на 2-0.

Во 59. минута Анте Ребиќ постигна гол за конечни 3-0, тоа беше негов девети гол во последните 11 натпревари од Серија А.

Милан можеше да слави и уште поубедливо но Тео Ернандез промаши две неверојатни шанси за гол во финишот од мечот.

По овој пораз на осум кола до крајот Лацио има седум бода помалку од Јувентус, тешко дека ќе можат да ја надополнат таквата негатива. Милан е шесто место од кое може да биде симнат утре ако Наполи ја совлада Рома.