Наполи и Рома одиграа меч полн со шанси, но головите дојдоа во вториот дел од мечот.

Резултатот беше отворен во 55. минута кога по асистенција од Марио Руи, Каљехон погоди за водство на Наполи од 1-0.

Кратко траеше радоста на домаќините, пет минути подоцна Мхитаријан го изедначи резултатот на 1-1.

Во 82. минута Инсиње постигна прекрасен гол со кој ги постави конечните 2-1.

Елиф Елмас во игра влезе во 85. минута и со судиското продолжение одигра десетина минути.

Рома и Наполи се на петтото и шестото место на табелата со по идентични 48 бодови.