Категорија: Италија 08.07.2020 21:38
Елиф Елмас беше стартер на мечот, на теренот се задржа до 82. минута, Горан Пандев во игра влезе во 71. минута и за разлика од мечот со Удинезе овој пат не успеа да ја спаси Џенова.
Мечот почна со гол на Елмас, нашиот репрезентативец во седмата минута погоди, но ВАР му го поништи голот поради игра со рака на Манолас.
Брзо потоа Елмас повторно се најде во голема шанса, биеше атрактивно со ножички, но Перин со одлична интервенција го одбрани неговиот удар.
Во судиското продолжение од првиот дел Мертенс погоди за водство на Наполи од 1-0.
По четири минути игра во вториот дел Голданига го изедначи резултатот, но Лозано во 66. минута донесе нов водство за Наполи кое значеше и победа од 2-1.
По овој пораз Џенова влезе во зоната за испаѓање на седум кола до крајот и ќе води грчевита борба за опстанок. Наполи се искачи на петтата позиција на табелата.