Категорија: Италија 09.07.2020 23:57
Интер повторно прокоцка победа, вечерва имаше 1-2 против Верона, но во финишот прими гол и испушти два бода.
Домаќините одлично го отворија мечот и поведоа веќе во 2. минута. Лазовиќ лесно се ослободи од Шкрињар и потоа го матираше Хандановиќ на првата статива.
Интер сепак брзо направи пресврт на стартот од вториот дел и по само десетина минути игра во продолжението дојде до предност. Најпрво Кандрева изедначи на 1-1 за потоа Димарко да си постигне автогол за 1-2.
Сепак, избраниците на Антонио Конте не успеаја да го сочуваат водството, во 86. минута Велосо прецизно погоди во долниот агол за 2-2.
Ова е трет кикс на „нероаѕурите“ по ре-стартот на сезоната, па наместо да се борат за Скудето сега се на позицијата број четири на табелата.