Категорија: Италија 13.07.2020 11:16
Дефанзивецот на Наполи, Калиду Кулибали тврди се сомнева во исправноста на одлуката за пенал на Милан во синоќешното дерби помеѓу обата клуба кое заврши со поделба на бодовите и резултат 2-2.
Франк Кеси беше сигурниот реализатор од белата точка откако Бонавентура изнуди пенал, меѓутоа доста спорна беше оваа ситуација, на што реагира и самиот Кулибали.
спорната ситуација на 2,50
„За момент се’ се случи брзо, меѓутоа тоа не изгледаше на пенал, потоа, кога отидов во соблекувалната велеа дека е пенал, но, генерално можевме да се одбраниме подобро во таа ситуација“ рече Кулибали во изјавата за „Скај Спорт Италија“.
„Мораме да бидеме внимателни, фудбалот е спорт кој се игра со многу контакти, а кога не можете да сторите ништо во тој дел од теренот, станува комплицирано, ВАР мора да ни помогне, сметам дека ќе биде подобро со текот на времето“ додаде стоперот.