Категорија: Италија 13.07.2020 23:47
По двата кикса против Болоња и Верона, Интер им се врати на победите, вечерва дома со 3-1 ја доби пресметката со Торино.
Мечот не почна добро за „нероаѕурите“, Хандановиќ испушти една топка и му подари гол на Белоти за водство од 0-1.
Сепак, избраниците на Конте заиграа далеку подобро во продолжението и за 15 минути направија целосен пресврт.
Најпрво Мартинез спушти една топка за Ешли Јанг, кој силно биеше за 1-1. Неколку минути подоцна, Санчез врати топка во петерецот а Годин со глава донесе предност од 2-1. По еден час игра, Лаутаро Мартинез со многу среќа ја затресе мрежата на Торино за 3-1.