„Граѓаните“ ризикуваа да останат без 200 милиони фунти поради забраната за настап во Европа од две години, но имаа успешна жалба пред Судот за спортска арбитража, издвојуваа голема битка против УЕФА и следната сезона ќе играат во Лигата на шампиони.

Па летоска ќе бидат инвестирани стотици милиони фунти во нови фудбалери. Приоритет е засилување на одбраната, прва желба е Калиду Кулибали од Наполи а на радот се и Рубен Диаш од Бенфика и Пау Торес од Виљареал.

Нов лев бек исто така е високо на агендата, Пеп Гвардиола ќе го убедува Даивд Алаба од Баерн Минхен да му се придружи на Етихад.

Ќе се бара и и нов офанзивен фудбалер од средниот ред со оглед на тоа дека Лерој Сане е продаден на Баерн Минехн а Давид Силва го напушта клубот по истекот на договорот. Неколку имиња се во игра како Ферен Торес од Валенсија, Каи Хаверц од Баер Леверкузен и неговиот соиграч Лион Бејли.

Кун Агуеро е на залезот од кариерата, па се размислува и за ангажман на негово замена. На врвот од листата со желби е Лаутаро Мартинез од Интер, кој со месеци се поврзува со преселба во Барселона, но никако двата клуба да пронајдат договор за висината на трансферот.