Горан Пандев синоќа изрази желба за прв пат да се радува на триумф над Сампдорија во градското дерби на Џенова и желбата му се исполни. Популарните „Ил Грифоне“ вечерва славеа со 1-2 и стигнаа до три важни бода во трката за опстанок.

Резултатот беше отворен во 22. минута од пенал кој го изнуди токму Горан Пандев. Кришито превзеде одговорност и погоди за 0-1.

Десет минути подоцна, Габијадини изедначи на 1-1 и навести возбудливо проодлжение на мечот.

Гостите повторно дојда во водство во 72. минута, Лерагер реализираше за 1-2 и голема радост на Џенова.

Интер разочара против Фиорентина, одигра само 0-0, па Јувентус утре со триумф на гостувањето кај Удинезе ќе има шанси да ја осигура титулата.

На останатите мечеви од 21:45 часот, Лече ја продолжи битката за опстанок откако со 3-1 ја совлада Бреша, Рома со убедливи 1-6 победи кај СПАЛ, а мечот помеѓу Торино и Верона заврши со 1-1.