Категорија: Лига на Шампиони 31.07.2020 09:40
Трабзонспор доби суспензија од УЕФА поради прекршување на финансискиот фер-плеј. Турскиот клуб се жалеше во судот за Спортска Арбитража во Лозана како што тоа го направи и Манчестер Сити, но за разлика од случајот на англискиот клуб, овој пат беше потврдена одлуката на УЕФА.
Трабзонспор е казнет и нема да игра во Лигата на шампионите за која избори пласман.
Тие се суспендирани затоа што не ја исполнија спогодбата со УЕФА од 2016 година и повторно го прекршија финансискиот фер-плеј.
На нивно место во квалификациите од Лигата на шампионите ќе игра Бешикташ кој се интересираше за Адис Јаховиќ, па можно е да имаме уште еден наш фудбалер во најголемото натпреварување.