ПСЖ очигледно го бие тежок малер. Работите трнгаа на лошо уште на првиот натпревар по ре-старот на сезоната. Килијан Мбапе лошо го извитка скочниот зглоб против Сент Етјен и практично нема шанси да се појави на мечот со Аталанта во Лигата на шампиони.

Потоа следуваа уште неколку повреди и под знак прашалник за четвртфиналето се и Марко Верати, Лавин Курзава и Тило Керер.

„Светците“ сега пријавија нова повреда, овој пат настрадал тренерот Томас Тухел кој има дисторзија на скочниот зглоб и фрактура на петтата метатарсална коска на стапалото.

Ова е прилично сериозна повреда, фудбалерите одат на операција и паузираат неколку месеци, но Германецот сигурно нема да оди под нож и ќе се лекува конзервативно. Тој сепак нема да може да стои крај аут-линијата како на претходните натпревари, и ќе мора често да седи на столчето.